За 45,9 проценти зголемен бројот на туристи во првиот квартал годинава


Бројот на регистрирани туристи во државава во март годинава изнесуваше 39.786, од кои 43,1 проценти се домашни, а 56,9 отсто странски туристи.

Државниот завод за статистика денеска објави дека бројот на ноќевањата во март 2022 година изнесува 87.074, од кои 44,1 процент се од домашните туристи, а 55,9 отсто од странските.


Во периодот јануари – март 2022 година, во однос на истиот период од претходната година, бројот на туристите е зголемен за 45,9 проценти.

Кај домашните туристи има зголемување за 21 отсто, а кај странските зголемувањето е за 79,5 проценти. Кај бројот на ноќевања има зголемување за 41,6 отсто, кај домашните туристи за 22,2, а кај странските за 67 проценти. лв/сп/


Скопје, 12 мај 2022 (МИА)


Видете следно

ЛАГ Експо 2022 – прв саем за локален развој во државата

На 23 септември, во културниот дом „Ацо Караманов” во Радовиш, се одржа ЛАГ Експо 2022 …