Заев: После преземената акција објавувам конкретен резултат од кој имаме значаен успех


Премиерот Зоран Заев преку својот фејсбук-профил информира дека поранешниот директор на УБК Сашо Мијалков се пријавил во Обвинителството за организиран криминал и оти обезбеден е неговиот домашен притвор.

– После преземената акција објавувам конкретен резултат од кој имаме значаен успех: Се пријави Сашо Мијалков во Обвинителството за организиран криминал и обезбеден е неговиот домашен притвор! Институциите ги презедоа сите редовни и вонредни мерки во врска со бегството на Сашо Мијалков. Координацијата помеѓу сите институции со сите активности што се презедоа во последниве 40 часа дадоа резултат. Правдата е обезбедена, ќе ја има и повеќе и почесто!, напиша тој.

Заев посочува дека ќе следува и негова изјава за медиумите за што јавноста дополнително ќе биде информирана.фф/са/

Скопје, 23 февруари 2021 (МИА)


Видете следно

Заев побара Собранието да гласа за доверба на Владата

Премиерот Зоран Заев попладнево побара од пратенциите да се изјаснат за доверба на Владата. Заев …