Заврши првиот фестивал на светлината – Skopje Light Art District


Првиот фестивал на светлината, Skopje Light Art District, кој од 6-ти октомври до денеска се одржуваше во главниот град на Македонија, заврши.

Водени од мотото “следи ја патеката…“, неколку илјади посетители во изминатите три дена уживаа во интерактивните светлосни поставки, пеформанси и инсталации на 23-цата странски и домашни светлосни уметници.

Отворањето на фестивалот беше проследено со 3-димензионалното мапирање на Милчо Узунов и Златко Славенски, проектирано на фасадата на зградата Ибни Пајко, а заинтересираните, следејќи ја “патеката“, можеа до денес да ги погледнат изложените дела. Светлечките ГМО зелки, автомобилите кои го имитираат ефектот на стаклена градина, добрите духови, рибегалците, силуетите и останатите поставки, со својата креативност и шареноликост, успеаја да им го задржат вниманието на скопјани, но и да додадат малку повеќе светлина и боја во нашето секојдневие.

Универзалната сала, како организатор и фестивалот Skopje Light Art District, им се заблагодаруваат на граѓаните за посетата и учеството во фестивалот и се надеваме на уште поуспешен Skopje Light Art District 2019.


Видете следно

Овчеполската житница станува извор на зелена енергија (видео)

Дел од некогашната овчеполска житница веројатно догодина ова време ќе стане извор на таканаречена „зелена …